ທ່ານ ຮສ. ປອ. ສາຍຂອງ ສາຍນາສິນ ຫົວໜ້າກົມການສຶກສາຊັ້ນສູງ, ຫົວໜ້າຄະນະຮັບຜິດຊອບໂຄງການ SSHEP. ເຂົ້າຮ່ວມກອງປະຊຸມໃນຄັ້ງນີ້ ມີບັນດາຄະນະກຳມະການ ແລະ ນັກຄົ້ນຄວ້າຈາກ 4 ມະຫາວິທະຍາໄລ (ມຊ, ມຈ, ມສ ແລະ ມຂ)
ໃນລະຫວ່າງວັນທີ 9-11 ພຶດສະພາ 2023 ທີ່ຜ່ານມານີ້ ໄດ້ມີການຈັດຕັ້ງກອງປະຊຸມຮັບຮອງຜົນການຄົ້ນຄວ້າວິທະຍາສາດ ພາຍໃຕ້ທຶນ Competitive Research Fund (CRF) ຊຸດທີ 1 ຂອງໂຄງການສ້າງຄວາມເຂັ້ມແຂງໃຫ້ແກ່ວຽກງານການສຶກສາຊັ້ນສູງໄລຍະສອງ (SSHEP) ຂຶ້ນ ທີ່ຣີສອດນາປ່າກວາງ, ທ່າລາດ ແຂວງວຽງຈັນ. ກອງປະຊຸມໃນຄັ້ງນີ້ ໄດ້ຮັບກຽດເປັນເຂົ້າຮ່ວມເປັນປະທານ ໂດຍ ທ່ານ ຮສ. ປອ. ສາຍຂອງ ສາຍນາສິນ ຫົວໜ້າກົມການສຶກສາຊັ້ນສູງ, ຫົວໜ້າຄະນະຮັບຜິດຊອບໂຄງການ SSHEP. ເຂົ້າຮ່ວມກອງປະຊຸມໃນຄັ້ງນີ້ ມີບັນດາຄະນະກຳມະການ ແລະ ນັກຄົ້ນຄວ້າຈາກ 4 ມະຫາວິທະຍາໄລ (ມຊ, ມຈ, ມສ ແລະ ມຂ) ທີ່ໄດ້ຮັບທຶນໃນການດຳເນີນໂຄງການຄົ້ນຄວ້າວິທະຍາສາດ ຈຳນວນ 31 ຫົວຂໍ້ ຊຶ່ງແບ່ງອອກເປັນ 5 ກຸ່ມສາຂາວິຊາດັ່ງນີ້:
- ກຸ່ມທີ 1: ສຶກສາສາດ ຈຳນວນ 5 ຫົວຂໍ້
- ກຸ່ມທີ 2 ພາສາສາດ ຈຳນວນ 4 ຫົວຂໍ້
- ກຸ່ມທີ 3: ເສດຖະສາດ, ທ່ອງທ່ຽວ, ທຸລະກິດ, ນິຕິສາດ ແລະ ສັງຄົມສາດ ຈຳນວນ 5 ຫົວຂໍ້
- ກຸ່ມທີ 4: ວິທະຍາສາດ, ວິສະວະກຳສາດ, ສະຖາປັດຕະຍະກຳສາດ, ເຕັກໂນໂລຊີ, ໄອທີ, ວິທະຍາສາດການກິລາ ຈຳນວນ 10 ຫົວຂໍ້
- ກຸ່ມທີ 5: ກະເສດສາດ, ປ່າໄມ້, ສິ່ງແວດລ້ອມ, ວິທະຍາສາດອາຫານ ແລະ ຊັບພະຍາກອນນ້ຳ ຈຳນວນ 8 ຫົວຂໍ້
ໃນກອງປະຊຸມໃນຄັ້ງນີ້, ນອກຈາກໄດ້ຮັບຟັງການນຳສະເໜີຜົນຂອງການຄົ້ນຄວ້າ ຂອງແຕ່ລະຫົວຂໍ້ ຈາກບັນດານັກຄົ້ນຄວ້າຂອງ 4 ມະຫາວິທະຍາໄລແລ້ວ, ບັນດາຄະນະກຳມະການ ຍັງໄດ້ປະກອບຄຳເຫັນ ແລະ ຄຳສະເໜີແນະ ໃຫ້ແກ່ນັກຄົ້ນຄວ້າເພື່ອປັບປຸງບົດຄົ້ນຄວ້າໃຫ້ດີຂຶ້ນ, ສາມາດຕໍ່ຍອດເປັນຜະລິດຕະພັນ ຫຼື ຕີພິມເຜີຍແຜ່ລົງວາລະສານສາກົນໄດ້. ພ້ອມນັ້ນ, ຍັງໄດ້ໃຫ້ຄະແນນປະເມີນແຕ່ລະຫົວຂໍ້ ເພື່ອເປັນຂໍ້ມູນໃຫ້ແກ່ໂຄງການ ໃນການລາຍງານແກ່ຜູ້ໃຫ້ທຶນຕໍ່ໄປ.
ນັບແຕ່ປີ 2020, ໂຄງການ SSHEP ໄດ້ໃຫ້ທຶນສະໜັບສະໜູນການຄົ້ນຄວ້າວິທະຍາສາດ (CRF) ໃຫ້ແກ່ນັກຄົ້ນຄວ້າຢູ່ໃນ 4 ມະຫາວິທະຍາໄລເປົ້າໝາຍຂອງໂຄງການ ຊຶ່ງລວມທັງໝົດ ມີຈຳນວນ 52 ຫົວຂໍ້. ມາຮອດປັດຈຸບັນ ບັນດາໂຄງການຄົ້ນຄວ້າດັ່ງກ່າວໄດ້ສຳເລັດສົມບູນເກືອບທັງໝົດແລ້ວ ຈຶ່ງໄດ້ມີການຈັດຕັ້ງກອງປະຊຸມຮັບຮອງຜົນການຄົ້ນຄວ້າຂຶ້ນ ຊຶ່ງຈະຈັດເປັນ 2 ຄັ້ງ. ຫຼັງຈາກນັ້ນ, ຈະມີການເຜີຍແຜ່ຜົນການຄົ້ນຄວ້າທັງໝົດ ໃຫ້ແກ່ພາກສ່ວນຕ່າງໆຊາບ ໂດຍຜ່ານກອງປະຊຸມວິຊາການ.
"ວັນທີ 05 ເມສາ 2023, ສປປລາວ ເປັນເຈົ້າພາບຈັດກອງປະຊຸມສຸດຍອດຄະນະກໍາມາທິການແມ່ນໍ້າຂອງສາກົນ ຄັ້ງທີ 04, ຫໍປະຊຸມແຫ່ງຊາດ ນະຄອນຫລວງວຽງຈັນ".
"ວັນທີ 05 ເມສາ 2023, ສປປລາວ ເປັນເຈົ້າພາບຈັດກອງປະຊຸມສຸດຍອດຄະນະກໍາມາທິການແມ່ນໍ້າຂອງສາກົນ ຄັ້ງທີ 04, ຫໍປະຊຸມແຫ່ງຊາດ ນະຄອນຫລວງວຽງຈັນ".
(1). ຜູ້ເຂົ້າຮ່ວມກອງປະຊຸມສຸດຍອດ ຄະນະກໍາມາທິການແມ່ນໍ້າຂອງສາກົນ ຄັ້ງນີ້ ປະກອບມີ:
1. ທ່ານ ສອນໄຊ ສີພັນດອນ, ນາຍົກລັດຖະມົນຕີແຫ່ງ ສປປລາວ;
2. ສົມເດັດ ອັກຄະມະຫາເສນາບໍດີ ເຕໂຊ ຮຸນເຊັນ, ນາຍົກລັດຖະມົນຕີ ແຫ່ງຣາຊະອານາຈັກ ກຳປູເຈຍ;
4. ທ່ານ ປອ. ສຸລະສີ ກິດຕິມົນທົນ, ເລຂາທິການສຳນັກງານຊັບພະຍາກອນນໍ້າແຫ່ງຊາດ ແຫ່ງ ຣາຊະອານາຈັກໄທຍ;
5. ທ່ານ ຫຼີ ກົວຫຍີງ, ລັດຖະມົນຕີກະຊວງຊັບພະຍາກອນນໍ້າແຫ່ງ ສາທາລະນະລັດ ປະຊາຊົນຈີນ;
6. ທ່ານ ລາ ມອງ ເທັນ, ຫົວໜ້າກົມ, ກະຊວງຊັບພະຍາກອນທໍາມະຊາດ ແລະ ອະນຸລັກສິ່ງແວດລ້ອມ ແຫ່ງ ສາທາລະນະລັດ ສະຫະພາບ ມຽນມາ;
7. ພ້ອມດ້ວຍຜູ້ຕາງໜ້າຈາກຄູ່ຮ່ວມພັດທະນາເຂົ້າຮ່ວມ.
(2). ກອງປະຊຸມສຸດຍອດຄະນະກໍາມາທິການແມ່ນໍ້າຂອງສາກົນຄັ້ງນີ້:
1. ຈັດຂຶ້ນກົງກັບວັນສ້າງຕັ້ງຄະນະກໍາມາທິການແມ່ນໍ້າຂອງສາກົນ ຄົບຮອບ 28 ປີ, ເຊິ່ງຈັດຂຶ້ນພາຍໃຕ້ຫົວຂໍ້ “ນະວັດຕະກໍາ ແລະ ການຮ່ວມມື ເພື່ອແມ່ນໍ້າຂອງທີ່ໝັ້ນຄົງ ແລະ ຍືນຍົງ";
2. ເປັນຂີດໝາຍອັນສໍາຄັນ ແລະ ເປັນເວທີພົບປະຂອງການນຳຂັ້ນສູງຈາກປະເທດສະມາ ຊິກຄະນະກໍາມາທິການແມ່ນໍ້າຂອງສາກົນ ແລະ ຜູ້ຕາງໜ້າຈາກຄູ່ຮ່ວມເຈລະຈາ, ຄູ່ຮ່ວມພັດທະນາ ແລະ ອົງການຈັດ ຕັ້ງສາກົນທີ່ເຂົ້າຮ່ວມປືກສາຫາລືກ່ຽວກັບສະພາບການພັດທະນາ, ສິ່ງທ້າທາຍ ແລະ ກາລະໂອກາດຕ່າງໆ ໃນອ່າງແມ່ນໍ້າຂອງ;
3. ການແລກປ່ຽນຄວາມຮູ້ດ້ານນະວັດຕະກໍາ ແລະ ເສີມຂະຫຍາຍການຮ່ວມມື ເພື່ອປະກອບສ່ວນຢ່າງຕັ້ງໜ້າເຂົ້າໃນການຄຸ້ມຄອງ ແລະ ພັດທະນາອ່າງແມ່ນໍ້າຂອງໃຫ້ມີຄວາມຍືນຍົງ.
(3). ໃນໂອກາດກ່າວໄຂກອງປະຊຸມຄັ້ງນີ້, ທ່ານ ສອນໄຊ ສີພັນດອນ, ນາຍົກລັດຖະມົນຕີແຫ່ງ ສປປລາວ ໄດ້ຍົກໃຫ້ວ່າ:
1. ສປປ ລາວ ໄດ້ປະຕິບັດພັນທະສັນຍາແມ່ນໍ້າຂອງຢ່າງຕັ້ງໜ້າ ໂດຍສະເພາະການປະຕິບັດໜ້າທີ່ ແລະ ພາລະບົດ ບາດຂອງຄະນະກໍາມາທິການແມ່ນໍ້າຂອງສາກົນ ເຊິ່ງມີສຳນັກງານໃຫຍ່ຕັ້ງຢູ່ ສປປລາວ ແລະ ຕີລາຄາສູງຕໍ່ກັບຜົນ ສຳເລັດທີ່ກອງເລຂາຄະນະກຳມາທິການແມ່ນໍ້າຂອງສາກົນ ພາຍໃຕ້ການບໍລິຫານຂອງບັນດາຫົວໜ້າກອງເລຂາຄະນະກຳມາທິການແມ່ນໍ້າຂອງສາ ກົນໃນໄລຍະຜ່ານມາ;
2. ພິເສດ ສປປ ລາວ ມີຄວາມພາກພູມໃຈເປັນຢ່າງຍິ່ງທີ່ໄດ້ຮັບກຽດເປັນຄັ້ງທໍາອິດໃນການປະຕິບັດໜ້າທີ່ເປັນຫົວໜ້າກອງເລຂາຄະນະກໍາມາທິການແມ່ນໍ້າຂອງສາກົນ, ເຊີ່ງທ່ານໄດ້ສະແດງຄວາມຊົມເຊີຍ ທ່ານ ປອ. ອານຸລັກ ກິດຕິຄຸນ ທີ່ໄດ້ຮັບຄວາມໄວ້ວາງໃຈຈາກບັນດາປະເທດສະມາຊິກໃນການຮັບໜ້າທີ່ອັນສຳຄັນຍິ່ງນີ້;
3. ພ້ອມທັງສະແດງຄວາມຫວັງວ່າ ບັນດາປະເທດສະມາຊິກ ຈະສືບຕໍ່ໃຫ້ການສະໜັບສະໜູນກອງເລຂາຄະນະກໍາມາທິການແມ່ນໍ້າຂອງສາກົນໃນການຈັດຕັ້ງປະຕິບັດຍຸດທະສາດພັດທະນາອ່າງແມ່ນໍ້າຂອງ ສົກປີ 2021-2030, ບັນດາລະບຽບການ, ບົດແນະນຳຕ່າງໆ ທີ່ກ່ຽວຂ້ອງ ແລະ ຖະແຫຼງການວຽງຈັນທີ່ຮັບຮອງໃນກອງປະຊຸມຄັ້ງນີ້;
4. ແມ່ນໍ້າຂອງຖືເປັນໜຶ່ງໃນແມ່ນໍ້າຂະໜາດໃຫຍ່ຂອງໂລກ ທີ່ມີຄວາມອຸດົມສົມບູນໄປດ້ວຍລະບົບນິເວດ ແລະ ຊີວະນາໆພັນ ທີ່ຕິດພັນ.
(4). ພາຍຫລັງສໍາເລັດກອງປະຊຸມຄັ້ງນີ້, ທ່ານ ສອນໄຊ ສີພັນດອນ, ນາຍົກລັດຖະມົນຕີແຫ່ງ ສປປລາວ ໄດ້ຖະແຫລງຂ່າວຕໍ່ສື່ມວນຊົນວ່າ:
(ໜຶ່ງ). ກອງປະຊຸມສຸດຍອດຄັ້ງນີ້ ເລີ່ມຕົ້ນແຕ່ວັນທີ 02 ເຖິງວັນທີ 05 ເມສາ 2023, ໂດຍມີກອງປະຊຸມສໍາມະນາວິຊາການສາກົນ ແຕ່ວັນທີ 02-03 ເມສາ 2023 ເຊິ່ງມີຜູ້ເຂົ້າຮ່ວມຫຼາຍກວ່າ 600 ຄົນ ຈາກທົ່ວໂລກ ທີ່ສົນໃຈກ່ຽວກັບແມ່ນໍ້າຂອງ, ອັນເປັນເວທີສຳຄັນທີ່ບັນດາຜູ້ເຂົ້າຮ່ວມ ໄດ້ມີໂອກາດແລກ ປ່ຽນແນວຄິດ, ຄວາມຮູ້ແບບປະຍຸກທາງດ້ານວິຊາການ ແລະ ປະສົບການຕົວຈິງ ກ່ຽວກັບ ນະວັດຕະກໍາທີ່ກ່ຽວ ຂ້ອງກັບນໍ້າ ເພື່ອສົ່ງເສີມ ແລະ ຜັນຂະຫຍາຍການຮ່ວມມືໃນຂົງເຂດແມ່ນໍ້າຂອງ.
(ສອງ). ກອງປະຊຸມຍັງໄດ້ກັ່ນກອງເອົາແນວຄວາມຄິດ ກ່ຽວກັບການພັດທະນາ ແລະ ບັນຫາທີ່ສໍາຄັນຕ່າງໆ ໃນການຄຸ້ມຄອງອ່າງແມ່ນໍ້າຂອງ. ໃນວັນທີ 04 ເມສາ 2023, ໄດ້ມີກອງປະຊຸມລັດຖະມົນຕີ ເພື່ອກະ ກຽມກອງປະຊຸມສຸດຍອດ ຄະນະກໍາມາທິການແມ່ນໍ້າຂອງສາກົນ ຄັ້ງທີ 04.
(ສາມ). ກອງປະຊຸມສຸດຍອດ ຄະນະກໍາມາທິການແມ່ນໍ້າຂອງສາກົນຄັ້ງທີ 04, ຫົວໜ້າລັດຖະບານ ແລະ ຜູ້ຕາງໜ້າ ລັດຖະບານ ຈາກປະເທດສະມາຊິກ ໄດ້ຢັ້ງຢືນຄືນເຖິງຄຳໝາຍໝັ້ນທາງການເມືອງອັນສູງສົ່ງຂອງຕົນ ທີ່ມີຕໍ່ສັນຍາແມ່ນໍ້າຂອງປີ 1995 ກໍ່ຄືບົດບາດໜ້າທີ່ຫຼັກຂອງການຮ່ວມມື ເພື່ອພັດທະນານໍ້າ ແລະ ຊັບພະຍາກອນທີ່ກ່ຽວຂ້ອງກັບນໍ້າ ໃນອ່າງແມ່ນໍ້າຂອງຢ່າງຍືນຍົງ ໂດຍໄດ້ມີການຮັບຮອງຖະແຫຼງການວຽງຈັນ.
(ສີ່). ຖະແຫຼງການວຽງຈັນດັ່ງກ່າວ ໄດ້ສະແດງໃຫ້ເຫັນຜົນສໍາເລັດຂອງຄະນະກຳມາທິການແມ່ນໍ້າຂອງສາກົນ ແລະ ຄວາມຄືບໜ້າການຈັດຕັ້ງປະຕິບັດຖະແຫຼງການສຽມຣຽບ ກໍ່ຄືນັບຕັ້ງແຕ່ກອງປະຊຸມສຸດຍອດ ຄັ້ງທີ 3 ຈົນເຖິງປັດຈຸບັນ, ລວມທັງການຢືນຢັນເຖິງການສືບຕໍ່ຈັດຕັ້ງປະຕິບັດຍຸດທະ ສາດພັດທະນາອ່າງແມ່ນໍ້າຂອງ ທີ່ອີງໃສ່ຫຼັກການຄຸ້ມຄອງຊັບພະຍາກອນນໍ້າແບບເຊື່ອມສານ ແລະ ບັນດາຍຸດທະສາດ ກໍຄືບົດແນະນໍາ ແລະ ລະບຽບການຕ່າງໆ ທີ່ຄະນະກຳມາທິການແມ່ນ້ຳຂອງສາກົນ ໄດ້ຊ່ວຍຊຸກຍູ້ສົ່ງເສີມໃຫ້ປະເທດສະມາຊິກ ຄະນະກໍາມາທິການແມ່ນໍ້າຂອງສາກົນ ໄດ້ມີໂອກາດປຶກສາຫາລື ແລະ ແລກປ່ຽນບົດຮຽນກ່ຽວກັບການນໍາໃຊ້ນໍ້າພາຍໃນອ່າງ.
(ຫ້າ). ຖະແຫຼງການວຽງຈັນ ຍັງໄດ້ກຳນົດຄວາມຄາດຫວັງໃນການສົ່ງເສີມແຜນດຳເນີນງານການຮ່ວມມືກັນ ເພື່ອສ້າງປະໂຫຍດສູງສຸດ ຈາກການໝູນໃຊ້ນະວັດຕະກຳໃໝ່ ເຂົ້າໃນການພັດທະນາເຄື່ອງມື ແລະ ນະໂຍບາຍ ເພື່ອຮັບມືກັບສິ່ງທ້າທາຍ ແລະ ຄວາມສ່ຽງຕ່າງໆທີ່ອາດຈະເກີດຂຶ້ນຢູ່ໃນອ່າງແມ່ນ້ຳຂອງ. ສະນັ້ນ, ນັບແຕ່ມື້ນີ້ເປັນຕົ້ນໄປບັນດາປະເທດສະມາຊິກ ແລະ ທຸກພາກສ່ວນທີ່ກ່ຽວຂ້ອງຈະຕ້ອງໄດ້ຮ່ວມແຮງຮ່ວມໃຈກັນຈັດຕັ້ງປະຕິບັດ ເນື້ອໃນຈິດໃຈຂອງຖະແຫຼງການວຽງຈັນ ໃຫ້ປະສົບຜົນສຳເລັດເປັນຢ່າງດີ.
(ຫົກ). ໃນນາມປະເທດເຈົ້າພາບກອງປະຊຸມສຸດຍອດຄະນະກໍາມາທິການແມ່ນໍ້າຂອງສາ ກົນ ຄັ້ງທີ 4 ນີ້, ທ່ານ ສອນໄຊ ສີພັນດອນ ໄດ້ສະແດງຄວາມຂອບໃຈມາຍັງຄະນະຜູ້ແທນຈາກບັນດາປະເທດສະມາຊິກ, ຄູ່ຮ່ວມເຈລະຈາ ແລະ ຄູ່ຮ່ວມພັດທະນາ ທີ່ໄດ້ໃຫ້ການປະກອບສ່ວນໃຫ້ຄວາມຮ່ວມມື ແລະ ສະໜັບສະໜູນຕະຫຼອດມາ. ພ້ອມທັງສະ ແດງຄວາມຊົມເຊີຍ ແລະ ຂອບໃຈມາຍັງບັນດາສື່ມວນຊົນ ທີ່ໄດ້ມາຮ່ວມໃນພິທີໃນຄັ້ງນີ້ ແລະ ຂໍໃຫ້ນໍາເອົາຜົນກອງປະຊຸມໄປເຜີຍແຜ່ສູ່ສັງຄົມໃຫ້ໄດ້ຮັບຮູ້ຢ່າງກວ້າງຂວາງ.
KPL NEWS
ກອງປະຊຸມຮັບຮອງຜົນການປະເມີນໄລຍະຕົ້ນ ຕາມດຳລັດເລກທີ 348/ລບ
ວັນທີ 23 ມີນາ 2023 ຢູ່ທີ່ຫ້ອງວ່າການປົກຄອງເມືອງຄຳເກີດ ໄດ້ຈັດກອງປະຊຸມຮັບຮອງຜົນການປະເມີນໄລຍະຕົ້ນ ຕາມດຳລັດເລກທີ 348/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ ເມືອງຄຳເກີດ. ເຂົ້າຮ່ວມເປັນປະທານໂດຍທ່ານ ບຸນຍົມ ຫຼວງບຸນມາ ຄະນະປະຈຳພັກເມືອງ, ຫົວໜ້າຄະນະຈັດຕັ້ງເມືອງຄຳເກີດ, ມີບັນດາທ່ານຄະນະບໍລິຫານງານພັກເມືອງ, ຄະນະຊີ້ນໍາວຽກງານການປະເມີນຕາມດຳລັດ 348/ລບ ຂັ້ນແຂວງ, ຂັ້ນເມືອງ, ຫົວໜ້າ ຫຼື ຄະນະຫ້ອງການ, ພ້ອມວິຊາການຮັບຜິດຊອບວຽກງານດັ່ງກ່າວ, ມີຫົວໜ້າກອງກໍ່ສ້າງຮາກຖານການເມືອງ 8 ເຂດ, ນາຍບ້ານ 11 ບ້ານເຂດເທດສະບານ, ນາຍບ້ານໂພນແພງ ແລະ ນາຍບ້ານທ່າແວ້ງ ເຂົ້າຮ່ວມ. ໃນພິທີ ທ່ານ ສົມພົນເພັງ ລາດສະສົມບັດ ຫົວໜ້າຫ້ອງການກະສິກໍາ ແລະ ປ່າໄມ້ ບົດລາຍງານການຈັດຕັ້ງປະຕິບັດ ການປະເມີນຜົນ ໄລຍະຕົ້ນ ຕາມດຳລັດ 348/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ ເມືອງຄຳເກີດ ທ່ານໃຫ້ຮູ້ວ່າ: ເມືອງຄຳເກີດຫ່າງຈາກເທດສະບານແຂວງບໍລິຄໍາໄຊ ໄປທາງທິດຕາເວັນອອກປະມານ 185 ກິໂລ ແມັດ, ມີເນື້ອທີ່ທັງໝົດ 2.510 ກິໂລຕາແມັດ, ເປັນເຂດພູດອຍກວມ 2/3 ຂອງເນື້ອທີ່ທັງໝົດ, ທິດເໜືອຕິດກັບເມືອງໄຊຈຳພອນ, ທິດໃຕ້ຕິດກັບເມືອງນາກາຍ ແຂວງຄໍາມ່ວນ, ທິດຕາເວັນອອກຕິດກັບເມືອງເຮືອງເຊີນ ແລະ ເມືອງວູ່ກວາງ ແຂວງຮ່າຕິງ ສ.ສ ຫວຽດນາມ, ທິດຕາເວັນຕົກຕິດກັບ ເມືອງວຽງທອງ ແຂວງບໍລິຄຳໄຊ ແລະ ເມືອງຄູນຄຳ ແຂວງຄຳມ່ວນ, ມີເສັ້ນທາງເລກ 8 ຜ່ານເມືອງຄຳເກີດ. ຜົນການຈັດຕັ້ງປະຕິບັດການປະເມີນໄລຍະຕົ້ນຕາມດຳລັດ 348/ລບ: ຜ່ານການປະເມີນຕົວຈິງ ສາມາດສັງລວມດ້ານຕົວເລກແຕ່ລະມາດຕະຖານ ຄອບຄົວພົ້ນທຸກ ແລະ ມາດຕະຖານຄອບຄົວພັດທະນາ. ມີທັງໝົດ 62 ບ້ານ, ມີ 11.737 ຄອບຄົວ, ຫຼຸດຈາກປີ 2020, ມີ 907 ຄອບຄົວ, ເທົ່າກັບ 7,16%, ພົນລະເມືອງ 65.501 ຄົນ, ຍິງ 32.132 ຄົນ, ຫຼຸດລົງ 7.970 ຄົນ, ມີຄອບຄົວພົ້ນທຸກ 8.818 ຄອບຄົວ, ເທົ່າກັບ 75,13%; ຫຼຸດລົງຈາກປີ 2020, ມີ 3.395 ຄອບຄົວ,ເທົ່າ 26,80%, ຄອບຄົວບໍ່ພົ້ນທຸກ, ມີ 2.919 ຄອບຄົວ, ກວມ 24,48%, ຄອບຄົວພັດທະນາມີ 7.424 ຄອບຄົວ, ເທົ່າກັບ 63,25%; ຫຼຸດລົງຈາກປີ 2020, ມີ 3.844 ຄອບຄົວ, ກວມ 30,35%, ຄອບຄົວບໍ່ທັນພັດທະນາ 4.313 ຄອບຄົວ, ເທົ່າກັບ 34,05%; ). ເມືອງຄຳເກີດ ມີບ້ານທີ່ບັນລຸ 8 ມາດຖານຂອງບ້ານພົ້ນທຸກທັງໝົດ 62 ບ້ານ, ເທົ່າກັບ 100%. ບ້ານທີ່ບັນລຸ 88 ຕົວຊີ້ວັດຂອງບ້ານພັດທະນາມີ 1 ບ້ານ, ເທົ່າກັບ 6,61%, ບ້ານບໍ່ບັນລຸ 88 ຕົວຊີ້ວັດ, ບ້ານພັດທະນາມີ 61 ບ້ານ, ເທົ່າກັບ 98,39%. ບ້ານເປົ້າ ໝາຍສ້າງເປັນບ້ານໃຫຍ່ສີສັນຕົວເມືອງນ້ອຍໃນຊົນບົດ, ມີ 16 ມາດຖານຂອງເມືອງຄຳເກີດ ແມ່ນບ້ານໃຫຍ່ທົ່ງແສນ: ບັນລຸ 13 ມາດຕະຖານ, ບໍ່ບັນລຸ 3 ມາດຕະຖານ ແລະ ບ້ານໜອງກອກ: ບັນລຸ 13 ມາດຕະຖານ, ຍັງບໍ່ບັນລຸ 3 ມາດຕະຖານ.
ຫລັງຈາກນັ້ນ ບັນດາຜູ້ເຂົ້າຮ່ວມໄດ້ປະກອບຄໍາຄິດເຫັນໃສ່ໂຕເລກ ຜົນການປະເມີນ ຂໍ້ມູນຂອງແຕ່ລະມາດຖານ ເພື່ອເປັນເອະພາບ ແລະ ຮັບຮອງ ພ້ອມທັງມີຄຳເຫັນແລກປ່ຽນ ແລະ ຖອດຖອນບົດຮຽນຜົນການປະເມີນຕາມດຳລັດ 348/ລບ ຂອງເມືອງຄຳເກີດ ເພື່ອຮັບປະກັນໃນການຈັດຕັ້ງປະຕິບັດວຽກງານໃນຕໍ່ໜ້າໃຫ້ບັນລຸຄາດໝາຍ ແຜນການທີວາງໄວ້ໃຫ້ໄດ້ຮັບຜົນດີເປັນກ້າວໆ.
ໃນຕອນທ້າຍ ທ່ານ ບຸນຍົມ ຫຼວງບຸນມາ ຄະນະປະຈຳພັກເມືອງ, ຫົວໜ້າຄະນະຈັດຕັ້ງເມືອງຄຳເກີດ ປະທານກອງປະຊຸມໄດ້ໃຫ້ກຽດຂື້ນໂອ້ລົມວ່າ: ກ່ອນອື່ນທ່ານກໍໄດ້ຍ້ອງຍໍຊົມເຊີຍທຸກພາກສ່ວນທີ່ສະຫຼະເຫື່ອແຮງ, ສະຕິປັນຍາຈົນສາມາດຈັດຕັ້ງປະຕິບັດບັນລຸບັນດາຄາດໝາຍ ແລະ ຕົວຊີ້ວັດດ້ານຕ່າງໆ ແລະ ທ່ານຍັງໄດ້ເນັ້ນໜັກໃຫ້ ຄະນະຊີ້ນຳຂັ້ນແຂວງ, ຂັ້ນເມືອງ ພ້ອມວິຊາການຮັບຜິດຊອບວຽກງານດັ່ງກ່າວ ຕ້ອງສືບຕໍ່ລົງກວດກາຄອບຄົວ, ພົນລະເມືອງ ທີ່ຕົກຫຼົ້ນຢູ່ໃນແຕ່ລະບ້ານ ໃຫ້ມີຜົນສໍາເລັດຕາມແຜນທີ່ວາງໄວ້.
ຂ່າວ ສີວັນ
ກອງປະຊຸມຮັບຮອງຜົນການປະເມີນໄລຍະຕົ້ນ ຕາມດຳລັດເລກທີ 348/ລບ
ວັນທີ 23 ມີນາ 2023 ຢູ່ທີ່ຫ້ອງວ່າການປົກຄອງເມືອງຄຳເກີດ ໄດ້ຈັດກອງປະຊຸມຮັບຮອງຜົນການປະເມີນໄລຍະຕົ້ນ ຕາມດຳລັດເລກທີ 348/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ ເມືອງຄຳເກີດ. ເຂົ້າຮ່ວມເປັນປະທານໂດຍທ່ານ ບຸນຍົມ ຫຼວງບຸນມາ ຄະນະປະຈຳພັກເມືອງ, ຫົວໜ້າຄະນະຈັດຕັ້ງເມືອງຄຳເກີດ, ມີບັນດາທ່ານຄະນະບໍລິຫານງານພັກເມືອງ, ຄະນະຊີ້ນໍາວຽກງານການປະເມີນຕາມດຳລັດ 348/ລບ ຂັ້ນແຂວງ, ຂັ້ນເມືອງ, ຫົວໜ້າ ຫຼື ຄະນະຫ້ອງການ, ພ້ອມວິຊາການຮັບຜິດຊອບວຽກງານດັ່ງກ່າວ, ມີຫົວໜ້າກອງກໍ່ສ້າງຮາກຖານການເມືອງ 8 ເຂດ, ນາຍບ້ານ 11 ບ້ານເຂດເທດສະບານ, ນາຍບ້ານໂພນແພງ ແລະ ນາຍບ້ານທ່າແວ້ງ ເຂົ້າຮ່ວມ. ໃນພິທີ ທ່ານ ສົມພົນເພັງ ລາດສະສົມບັດ ຫົວໜ້າຫ້ອງການກະສິກໍາ ແລະ ປ່າໄມ້ ບົດລາຍງານການຈັດຕັ້ງປະຕິບັດ ການປະເມີນຜົນ ໄລຍະຕົ້ນ ຕາມດຳລັດ 348/ລບ ວ່າດ້ວຍມາດຕະຖານພົ້ນທຸກ ແລະ ມາດຕະຖານພັດທະນາ ເມືອງຄຳເກີດ ທ່ານໃຫ້ຮູ້ວ່າ: ເມືອງຄຳເກີດຫ່າງຈາກເທດສະບານແຂວງບໍລິຄໍາໄຊ ໄປທາງທິດຕາເວັນອອກປະມານ 185 ກິໂລ ແມັດ, ມີເນື້ອທີ່ທັງໝົດ 2.510 ກິໂລຕາແມັດ, ເປັນເຂດພູດອຍກວມ 2/3 ຂອງເນື້ອທີ່ທັງໝົດ, ທິດເໜືອຕິດກັບເມືອງໄຊຈຳພອນ, ທິດໃຕ້ຕິດກັບເມືອງນາກາຍ ແຂວງຄໍາມ່ວນ, ທິດຕາເວັນອອກຕິດກັບເມືອງເຮືອງເຊີນ ແລະ ເມືອງວູ່ກວາງ ແຂວງຮ່າຕິງ ສ.ສ ຫວຽດນາມ, ທິດຕາເວັນຕົກຕິດກັບ ເມືອງວຽງທອງ ແຂວງບໍລິຄຳໄຊ ແລະ ເມືອງຄູນຄຳ ແຂວງຄຳມ່ວນ, ມີເສັ້ນທາງເລກ 8 ຜ່ານເມືອງຄຳເກີດ. ຜົນການຈັດຕັ້ງປະຕິບັດການປະເມີນໄລຍະຕົ້ນຕາມດຳລັດ 348/ລບ: ຜ່ານການປະເມີນຕົວຈິງ ສາມາດສັງລວມດ້ານຕົວເລກແຕ່ລະມາດຕະຖານ ຄອບຄົວພົ້ນທຸກ ແລະ ມາດຕະຖານຄອບຄົວພັດທະນາ. ມີທັງໝົດ 62 ບ້ານ, ມີ 11.737 ຄອບຄົວ, ຫຼຸດຈາກປີ 2020, ມີ 907 ຄອບຄົວ, ເທົ່າກັບ 7,16%, ພົນລະເມືອງ 65.501 ຄົນ, ຍິງ 32.132 ຄົນ, ຫຼຸດລົງ 7.970 ຄົນ, ມີຄອບຄົວພົ້ນທຸກ 8.818 ຄອບຄົວ, ເທົ່າກັບ 75,13%; ຫຼຸດລົງຈາກປີ 2020, ມີ 3.395 ຄອບຄົວ,ເທົ່າ 26,80%, ຄອບຄົວບໍ່ພົ້ນທຸກ, ມີ 2.919 ຄອບຄົວ, ກວມ 24,48%, ຄອບຄົວພັດທະນາມີ 7.424 ຄອບຄົວ, ເທົ່າກັບ 63,25%; ຫຼຸດລົງຈາກປີ 2020, ມີ 3.844 ຄອບຄົວ, ກວມ 30,35%, ຄອບຄົວບໍ່ທັນພັດທະນາ 4.313 ຄອບຄົວ, ເທົ່າກັບ 34,05%; ). ເມືອງຄຳເກີດ ມີບ້ານທີ່ບັນລຸ 8 ມາດຖານຂອງບ້ານພົ້ນທຸກທັງໝົດ 62 ບ້ານ, ເທົ່າກັບ 100%. ບ້ານທີ່ບັນລຸ 88 ຕົວຊີ້ວັດຂອງບ້ານພັດທະນາມີ 1 ບ້ານ, ເທົ່າກັບ 6,61%, ບ້ານບໍ່ບັນລຸ 88 ຕົວຊີ້ວັດ, ບ້ານພັດທະນາມີ 61 ບ້ານ, ເທົ່າກັບ 98,39%. ບ້ານເປົ້າ ໝາຍສ້າງເປັນບ້ານໃຫຍ່ສີສັນຕົວເມືອງນ້ອຍໃນຊົນບົດ, ມີ 16 ມາດຖານຂອງເມືອງຄຳເກີດ ແມ່ນບ້ານໃຫຍ່ທົ່ງແສນ: ບັນລຸ 13 ມາດຕະຖານ, ບໍ່ບັນລຸ 3 ມາດຕະຖານ ແລະ ບ້ານໜອງກອກ: ບັນລຸ 13 ມາດຕະຖານ, ຍັງບໍ່ບັນລຸ 3 ມາດຕະຖານ.
ຫລັງຈາກນັ້ນ ບັນດາຜູ້ເຂົ້າຮ່ວມໄດ້ປະກອບຄໍາຄິດເຫັນໃສ່ໂຕເລກ ຜົນການປະເມີນ ຂໍ້ມູນຂອງແຕ່ລະມາດຖານ ເພື່ອເປັນເອະພາບ ແລະ ຮັບຮອງ ພ້ອມທັງມີຄຳເຫັນແລກປ່ຽນ ແລະ ຖອດຖອນບົດຮຽນຜົນການປະເມີນຕາມດຳລັດ 348/ລບ ຂອງເມືອງຄຳເກີດ ເພື່ອຮັບປະກັນໃນການຈັດຕັ້ງປະຕິບັດວຽກງານໃນຕໍ່ໜ້າໃຫ້ບັນລຸຄາດໝາຍ ແຜນການທີວາງໄວ້ໃຫ້ໄດ້ຮັບຜົນດີເປັນກ້າວໆ.
ໃນຕອນທ້າຍ ທ່ານ ບຸນຍົມ ຫຼວງບຸນມາ ຄະນະປະຈຳພັກເມືອງ, ຫົວໜ້າຄະນະຈັດຕັ້ງເມືອງຄຳເກີດ ປະທານກອງປະຊຸມໄດ້ໃຫ້ກຽດຂື້ນໂອ້ລົມວ່າ: ກ່ອນອື່ນທ່ານກໍໄດ້ຍ້ອງຍໍຊົມເຊີຍທຸກພາກສ່ວນທີ່ສະຫຼະເຫື່ອແຮງ, ສະຕິປັນຍາຈົນສາມາດຈັດຕັ້ງປະຕິບັດບັນລຸບັນດາຄາດໝາຍ ແລະ ຕົວຊີ້ວັດດ້ານຕ່າງໆ ແລະ ທ່ານຍັງໄດ້ເນັ້ນໜັກໃຫ້ ຄະນະຊີ້ນຳຂັ້ນແຂວງ, ຂັ້ນເມືອງ ພ້ອມວິຊາການຮັບຜິດຊອບວຽກງານດັ່ງກ່າວ ຕ້ອງສືບຕໍ່ລົງກວດກາຄອບຄົວ, ພົນລະເມືອງ ທີ່ຕົກຫຼົ້ນຢູ່ໃນແຕ່ລະບ້ານ ໃຫ້ມີຜົນສໍາເລັດຕາມແຜນທີ່ວາງໄວ້.
ຂ່າວ ສີວັນ
ການຢ້ຽມຢາມເມືອງຄຳເກີດຂອງພະນະທ່ານເລຂາທິການໄຫຍ່
ທ່ານ ທອງລຸນ ສີສຸລິດ ປະທານປະເທດແຫ່ງ ສປປລາວ ຢ້ຽມຢາມພື້ນທີ່ການຜະລິດຂອງປະຊາຊົນ ບ້ານນາຫາດ ເມືອງ ຄຳເກີດ ແຂວງ ບໍລິຄຳໄຊ
ໃນວັນທີ 22 ມີນາ 2023 ນີ້ ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ, ປະທານປະເທດແຫ່ງ ສປປລາວ ພ້ອມຄະນະ ໄດ້ລົງຢ້ຽມຢາມຂົງເຂດການຜະລິດເປັນສິນຄ້າຂອງປະຊາຊົນ ບ້ານນາຫາດ ເມືອງ ຄຳເກີດ ແຂວງ ບໍລິຄຳໄຊ, ໃຫ້ການຕ້ອນຮັບ ແລະ ນໍາພາລົງສູ່ພື້ນທີ່ການຜະລິດໂດຍມີ: ທ່ານ ປອ ກອງແກ້ວ ໄຊສົງຄາມ ກໍາມະການສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງ ບໍລິຄຳໄຊ, ທ່ານ ເພັດສະໃໝ ໄຊຍະທິຈັກ ກໍາມະການພັກແຂວງ ເລຂາພັກເມືອງ, ເຈົ້າເມືອງ ຄຳເກີດ, ມີບັນດາການນໍາຂອງແຂວງ, ການນໍາຂອງເມືອງ ຄຳເກີດ ແລະ ພໍ່ແມ່ປະຊາຊົນຜູ້ປູກພືດເປັນສິນຄ້າ ບ້ານ ນາຫາດ ໃຫ້ການຕ້ອນຮັບຢ່າງອົບອຸ່ນ, ການຢ້ຽມຢາມພື້ນທີ່ການຜະລິດເປັນສິນຄ້າຂອງປະຊາຊົນຄັ້ງນີ້ ແມ່ນໄດ້ເຂົ້າເບິ່ງສວນປູກຜັກກະສິກຳອິນຊີ ແລະ ປູກເຮັດນາງລົມ.
ຫຼັງຈາກນັ້ນ ທ່ານ ສົມພົນເພັງ ລາດສະສົມບັດ ຫົວໜ້າຫ້ອງການກະສິກຳ ແລະ ປ່າໄມ້ເມືອງຄຳເກີດ ລາຍງານການຈັດຕັ້ງປະຕິບັດ ວຽກງານກູ່ມປູກຜັກກະສິກຳອີນຊີບ້ານນາຫາດ ໃນໄລຍະຜ່ານມາ ທ່ານໃຫ້ຮູ້ວ່າ: ບ້ານນາຫາດ ແມ່ນບ້ານໜຶ່ງທີ່ຂຶ້ນກັບເຂດໜອງອໍ-ນາແປ, ເຊິ່ງປະຊາຊົນແມ່ນຖືເອົາການປູກຜັກເປັນສິນຄ້າ, ຢຶດຖືອາ ຊີບກະສິກຳເປັນຕົ້ນຕໍ ມາແຕ່ດົນນານແລ້ວ, ອີງໃສ່ຈຸດພິເສດສະພາບຂອງບ້ານນາຫາດ ດິນ, ນໍ້າ ແມ່ນມີ ຄວາມອຸດົມສົມບູນ, ສະພາບອາກາດເໝາະສົມແກ່ການປູກຜັກອິນຊີໃນເຮືອນຮົ່ມ, ສະນັ້ນ, ທາງຄະນະ ນໍາຂອງເມືອງ, ກໍ່ຄືຫ້ອງການກະສິກຳ ແລະ ປ່າໄມ້ເມືອງ, ອົງການຈັດຕັ້ງແຕ່ລະພາກສ່ວນ, ຈື່ງມີແຜນສຸມ ໃສ່ລົງຊຸກຍູ້-ສົ່ງເສີມ, ຊອກຫາແຫຼ່ງທຶນຮ້ອນເຂົ້າມາພັດທະນາ ກຸ່ມປູກຜັກສະອາດບ້ານນາຫາດ, ໃນຊຸມ ປີ 2001-2002 ໄດ້ມີໂຄງການປັບປຸງຊີວິດການເປັນຢູ່ຂອງປະຊາຊົນ ຢູ່ທ້ອງຖີ່ນລົງມາຊຸກຍູ້-ສົ່ງເສີມ ແລະ ປະເມີນຄວາມເປັນໄປໄດ້ ໃນການປູກຜັກສະອາດ, ເນື່ອງຈາກວ່າ ປະຊາຊົນໃນເຂດນີ້ມີຄວາມດຸໝັ້ນ; ຢຶດຖືອາຊີບປູກຝັງເປັນຫຼັກ, ຈື່ງໃຫ້ປະຊາຊົນລອງມາປູກຜັກກະສິກຳສະອາດ, ຕາມເຕັກນິກຂອງ ນັກວິຊາການ, ເພາະໃນເມື່ອກ່ອນປະຊາຊົນ ເຄີຍປູກຜັກແບບທຳມະຊາດ, ໃຊ້ຝຸ່ນມູນສັດເປັນຕົ້ນຕໍ, ເມື່ອໂຄງການໄດ້ສິ້ນສຸດລົງ, ປະຊາຊົນກໍ່ເລີ່ມຕົ້ນປູກເປັນຂະບວກການໃນປີ 2004, ມີ 15 ຄອບຄົວ; ການປູກຜັກສ່ວນຫຼາຍແມ່ນປູກໃນຊ່ວງເດືອນ 11-3 ຂອງທຸກໆປີ, ນອກນັ້ນແມ່ນປູກສຳລັບພໍ່ກຸ່ມກິນ; ປູກເພື່ອເກັບຮັກສາເປັນແນວພັນ, ຍ້ອນໃນຊ່ວງເດືອນ 12-2 ຂອງທຸກໆປີ, ພຶດຜັກມີຫຼາຍ ຂາຍບໍ່ໄດ້ ລາຄາ (ລາຄາຖືກ): ປະຊາຊົນຈຶ່ງບໍ່ເລືອກປູກ; ຕະຫຼອດໄລຍະປີ 2004 ເປັນຕົ້ນມາ. ເຮັດໃຫ້ຄອບຄົວ ປະຊາຊົນໃນ 15 ຄອບຄົວ. ທີ່ປູກຜັກມີການປ່ຽນແປງທ່າອ່ຽງດີຂຶ້ນເທື່ອລະກ້ວາ, ຈຶ່ງໄດ້ເປັນເປົ້າໝາຍ ຕົວແບບໃຫ້ແກ່ຄອບຄົວອື່ນໆ ຢູ່ພາຍໃນບ້ານ ເຮັດໃຫ້ຂະບວນການປູກຜັກບ້ານນາຫາດ ເປັນຂະບວນ ການຟົດຟືນໃນປະຈຸບັນມີເຖິງ 40 ຄອບຄົວ, ໄດ້ຫັນມາປູກຜັກສະອາດຕະຫຼອດປີ. ມາຮອດປີ 2020-2021 ໄດ້ຫັນປ່ຽນ ຈາກການປູກຜັກສະອາດ, ມາເປັນການປູກຜັກອິນຊີ, ມີສະມາຊິກທັງໝົດ 15 ຄອບຄົວ, ມີເຮືອນຮົ່ມ 21 ຫຼັງ, ແຕ່ງຕັ້ງຄະນະບໍລິຫານກຸ່ມປູກຜັກອິນຊີ 7 ທ່ານ ແລະ ໄດ້ແບ່ງເປັນ 4 ຈຸ, ສ່ວນ 25 ຄອບຄົວແມ່ນຍັງປູກຜັກສະອາດ. ຜົນໄດ້ຮັບໃນໄລຍະ 5 ປີຜ່ານມາ, ລາຍຮັບທັງໝົດ 2.464.000.000 ກີບ.ຕົ້ນທຶນການຜະລິດ (ທຶນຄົງທີ່ ແລະ ທຶນໝູນວຽນ) 1.392.000.000 ກີບ. ຜົນໄດ້ຮັບກຳໄລທັງໝົດ 1.072.000.000 ກີບ. ມາຮອດປີ 2022 ກຸ່ມປູກຜັກອິນຊີບ້ານນາຫາດ ໄດ້ຮັບໃບຢັ້ງຢືນມາດຕະຖານກະສິກຳອິນຊີລາວ ຈາກກົມປູກຝັງ, ກະຊວງກະສິກຳ ແລະ ປ່າໄມ້, ເຊີ່ງມາຮອດປະຈຸບັນນີ້ສາມາດປູກຜັກອີນຊີໄດ້ທັງ 2 ລະດູການ, ສາມາດຕອບສະໜອງໃຫ້ແກ່ທ່ອງຕະຫຼາດພາຍໃນເມືອງ ແລະ ສົ່ງອອກຕ່າງແຂວງ, ໂດຍມີ ພໍ່ຄ້າ ແມ່ຄ້າຄົນກາງມາຮັບຊື້ຢູ່ກັບທີ່.
ຂ່າວ ສີວັນ
ທ່ານ ນາງ ໃບຄຳ ຂັດທິຍະ ຕ້ອນຮັບທູດຍີ່ປຸ່ນ ຄົນໃໝ່ ປະຈຳ ລາ
ທ່ານ ນາງ ໃບຄຳ ຂັດທິຍະ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ KOBAYASHI Kenichi ເມື່ອວັນທີ 6 ມັງກອນ 2022 ທີ່ກະຊວງແຮງງານ ແລະ ສະຫວັດດີການສັງຄົມ (ຮສສ).
ໃນໂອກາດດັ່ງກ່າວ, ທ່ານ ນາງ ໃບຄຳ ຂັດທິຍະ ໄດ້ສະແດງຄວາມຍິນດີຕ້ອນຮັບ ທ່ານ KOBAYASHI Kenichi ໃນໂອກາດມາດໍາລົງຕຳແໜ່ງເປັນເອກອັກຄະຣາຊະທູດ ແຫ່ງຍີ່ປຸ່ນ ຄົນໃໝ່ ປະຈຳ ສປປ ລາວ. ໃນໂອກາດນີ້ສອງຝ່າຍໄດ້ຕີລາຄາສູງຕໍ່ການພົວພັນມິດຕະພາບ ແລະ ການຮ່ວມມືອັນດີງາມ ລະຫວ່າງລັດຖະບານ ແລະ ປະຊາຊົນ ສອງຊາດ ລາວ-ຍີ່ປຸ່ນ ຕະຫຼອດໄລຍະຜ່ານມາ. ການພົວພັນ ແລະ ຮ່ວມມື ລາວ-ຍີປຸ່ນ ແມ່ນມີຄວາມໃກ້ຊິດສະໜິດສະໜົມ ແລະ ມີຫຼາຍກົນໄກການຮ່ວມມືລະຫວ່າງກັນ ເພື່ອຂັບເຄື່ອນບັນດາແຜນງານການຮ່ວມມືສອງຝ່າຍຢ່າງເປັນປົກກະຕິ ເວົ້າລວມ, ເວົ້າສະເພາະກໍຄື ກະຊວງແຮງງານ ແລະ ສະຫວັດດີການສັງຄົມ ໂດຍໄດ້ມີການຮ່ວມມືຊ່ວຍເຫຼືອ ໂດຍສະເພາະວຽກງານກວດກູ້ລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ, ວຽກງານຕອບໂຕຊຸກເສີນ, ວຽກງານຟື້ນຟູຫຼັງໄພພິບັດ, ວຽກງານຜູ້ພິການອາຍຸສູງ ແລະ ວຽກງານແຮງງານການຈັດສົ່ງແຮງງານໄປເຮັດວຽກຖືກຕ້ອງຕາມກົດໝາຍ, ການສ້າງ ແລະ ພັດທະນາສີມືແຮງງານ ຊຶ່ງໄດ້ປະກອບສ່ວນອັນສໍາຄັນເຂົ້າໃນການເສີມຂະຫຍາຍ ແລະ ຮັດແໜ້ນສາຍພົວພັນມິດຕະພາບ ແລະ ການຮ່ວມມືທີ່ດີ ແໜ້ນແຟ້ນ ແລະ ແຕກດອກອອກຜົນຍິ່ງໆຂຶ້ນ.
ທ່ານເອກອັກຄະຣາຊະທູດຍີປຸ່ນ ຍັງໄດ້ໃຫ້ຄໍາໝັ້ນສັນຍາວ່າຈະສືບຕໍ່ອອກແຮງຊຸກຍູ້ໃຫ້ການພົວພັນຮ່ວມມື ລະຫວ່າງສອງປະເທດ ໃຫ້ໄດ້ຮັບການພັດທະນາຂຶ້ນຢ່າງບໍ່ຢຸດຢັ້ງ, ຮັກສາໄດ້ມິດຕະພາບອັນໃກ້ຊິດ ເພື່ອນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດ ລາວ-ຍີປຸ່ນ. ພ້ອມນີ້ທ່ານທູດຍັງໄດ້ສະແດງຄວາມຍິນດີຢ່າງຈິງໃຈ ແລະ ແຈ້ງໃຫ້ທ່ານລັດຖະມົນຕີໄດ້ຮັບຊາບ ຕໍ່ກັບລັດຖະບານຍີ່ປຸ່ນເຫັນດີໃຫ້ການຊວ່ຍເຫຼືອງົບປະມານວຽກງານກວດກູ້ລະເບີດບໍ່ທັນແຕກທີ່ຕົກຄ້າງຢູ່ ສປປ ລາວ ຂອງໂຄງການປີ 2021 ແລະ ວຽກງານໄພພິບັດ.
ໃນໂອກາດນີ້, ທ່ານລັດຖະມົນຕີ ຍັງໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ສະແດງຄວາມຂອບໃຈຜ່ານທ່ານທູດໄປຍັງລັດຖະບານ ແລະ ປະຊາຊົນຍີ່ປຸ່ນ ທີ່ໄດ້ໃຫ້ການຊ່ວຍເຫຼືອ ສປປ ລາວ ໃນໄລຍະຜ່ານມາ ລວມທັງການສະໜັບສະໜູນ ແລະ ໃຫ້ຄວາມຊ່ວຍເຫຼືອໃນການປ້ອງກັນ, ຄວບຄຸມ ແລະ ແກ້ໄຂຜົນກະທົບຈາກການລະບາດຂອງພະຍາດໂຄວິດ-19 ແລະ ອວຍພອນໃຫ້ທ່ານທູດຈົ່ງປະສົບຜົນສຳເລັດໃນການເຄື່ອນໄຫວວຽກງານທູດທີ່ມີກຽດສູງສົ່ງຢູ່ ສປປ ລາວ.
(ຂ່າວ-ພາບ: ຂ່າວສານ ຮສສ)
ອົງການຢູນິເຊັບມອບອຸປະກອນ IT ໃຫ້ວິທະຍຸ 18 ແຂວງ ທົ່ວປະເທດ ມູນຄ່າ 60.000ໂດລາ
ຕອນບ່າຍວັນທີ 6 ມັງກອນ 2022 ອົງການຢູນີເຊັບໄດ້ມອບອຸປະກອນ IT ໃຫ້ວິທະຍຸກະຈາຍສຽງແຫ່ງຊາດລາວ ເພື່ອຊ່ວຍອຳນວຍຄວາມສະດວກໃຫ້ແກ່ການຈັດກິດຈະກໍາຕ່າງໆຂອງກຸ່ມສື່ຊາວໜຸ່ມໃນທົ່ວປະເທດ, ລວມທັງການຜະລິດລາຍການວິທະຍຸຂອງຊາວໜຸ່ມ, ການຝຶກອົບຮົມ, ການສົ່ງເສີມຄວາມຮັບຮູ້ທີ່ກ່ຽວຂ້ອງກັບເດັກຜ່ານສື່ສັງຄົມ ແລະຊ່ວຍອໍານວຍຄວາມສະດວກໃນການສື່ສານທາງອອນໄລ ລະຫວ່າງ ວິທະຍຸກະຈາຍສຽງແຫ່ງຊາດລາວ, ອົງການຢູນິເຊັບ ແລະທີມງານສື່ຊາວໜຸ່ມຂັ້ນແຂວງ ໃນໄລຍະການລະບາດຂອງພະຍາດ ໂຄວິດ-19. ການມອບອຸປະກອນ IT ໃນຄັ້ງນິ້ແມ່ນການຊ່ວຍເຫຼືອພາຍໃຕ້ໂຄງການລະຫວ່າງ ອົງການຢູນິເຊັບປະຈຳ ສປປ ລາວ ແລະ ຄະນະກຳມາທິການແຫ່ງຊາດອີຕາລີ ກ່ຽວກັບວິທະຍຸ, ສື່ສັງຄົມ ເລະການສ້າງທັກສະຕ່າງໆໃຫ້ແກ່ສຽງຊາວໜຸ່ມ.
ອຸປະກອນທີ່ໄດ້ມອບ-ຮັບໃນຄັ້ງນີ້ ລວມມີແລັບທັອບ18ເຄື່ອງໃຫ້ແກ່ກຸ່ມສື່ຊາວໜຸ່ມໃນ18 ແຂວງທົ່ວປະເທດ, ເຄື່ອງປະສົມສຽງ (mixer) ແລະ ຄອມພິວເຕີ iMac ຢ່າງລະຊຸດໃຫ້ແກ່ ວິທະຍຸກະຈາຍສຽງແຫ່ງຊາດລາວ ແລະ ວິທະຍຸກະຈາຍສຽງຊາວໜຸ່ມລາວຄື້ນFM90 ຂອງສູນກາງຊາວໜຸ່ມປະຊາຊົນປະຕິວັດລາວ.
ທ່ານ ໂພສີ ແກ້ວມະນີວົງ, ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວກ່າວໃນພິທີຄັ້ງນີ້ວ່າ: “ພວກເຮົາຂໍສະແດງຄວາມຂອບໃຈມາຍັງອົງການຢູນິເຊັບສຳລັບການສະໜັບສະໜຸນອັນມີຄ່ານີ້, ເຊີ່ງຈະຊ່ວຍອຳນວຍຄວາມສະດວກໃຫ້ແກ່ກິດຈະກໍາຕ່າງໆຂອງກຸ່ມສື່ຊາວໜຸ່ມພາຍໃຕ້ສະພາບການທີ່ທ້າທາຍຂອງການລະບາດຂອງພະຍາດໂຄວິດ-19 ເພື່ອຮັບປະກັນວ່າພວກເຮົາສາມາດສືບຕໍ່ວຽກງານສົ່ງເສີມ ແລະ ລາຍງານກ່ຽວກັບປະເດັນຕ່າງໆຂອງເດັກ ແລະ ຊາວໜຸ່ມລາວ.”
ນອກນັ້ນ, ພາຍໃຕ້ການຮ່ວມງານກັບຄະນະກຳມາທິການແຫ່ງຊາດອີຕາລີ, ອົງການຢູນິເຊັບຍັງໄດ້ມອບລະບົບໂທລະໂຄ່ງ 33 ຊຸດເພື່ອຊ່ວຍເຜີຍແຜ່ຂໍ້ມູນຂ່າວສານສໍາລັບຊຸມຊົນຊົນຢູ່ຊົນນະບົດໃນ 18 ແຂວງຂອງ ສປປ ລາວ ໃນຫົວຂໍ້ຕ່າງໆກ່ຽວກັບສະຫວັດດີພາບຂອງເດັກ ແລະແມ່ຍິງ ເຊັ່ນ: ການສັກວັກຊີນກັນພະຍາດ, ໂພຊະນາການ, ນໍ້າ ແລະ ສຸຂາພິບານ, ການສຶກສາ, ການປົກປ້ອງເດັກໂດຍຄຽງຄູ່ກັບຂໍ້ມູນຂ່າວສານກ່ຽວກັບການລະບາດຂອງພະຍາດໂຄວິດ-19. ລວມມູນຄ່າລວມຂອງອຸປະກອນ IT ແລະ ໂທລະໂຄ່ງທີ່ມອບໃນຄັ້ງນີ້ ແມ່ນ 60,000 ກ່ວາໂດລາສະຫະລັດ.
ທ່ານເດວິດ ດັນແຄນ (David Duncan), ວ່າການແທນ ຂອງຜູ້ຕາງໜ້າອົງການຢູນິເຊັບປະຈໍາ ສປປ ລາວ ກ່າວວ່າ: “ນັບແຕ່ປີ 2004 ເປັນຕົ້ນມາ, ວິທະຍຸກະຈາຍສຽງແຫ່ງຊາດລາວ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວໄດ້ເຮັດວຽກຮ່ວມກັນກັບອົງການຢູນິເຊັບເພື່ອສົ່ງເສີມສະຫວັດດີພາບຂອງເດັກທຸກຄົນໃນ ສປປ ລາວ, ໂດຍສະເພາະເມື່ອເວົ້າເຖິງການມີສ່ວນຮ່ວມຂອງຊາວໜຸ່ມ. ພວກເຮົາຫວັງວ່າອຸປະກອນລ່າສຸດທີ່ໄດ້ສະໜອງໃຫ້ນີ້ ຈະຊ່ວຍສ້າງຄວາມເຂັ້ມແຂງໃຫ້ແກ່ກຸ່ມສື່ຊາວໜຸ່ມໃນທົ່ວປະເທດ ເພື່ອສົ່ງເສີມສະຫວັດດີພາບຂອງເດັກ ແລະ ຊາວໜຸ່ມລາວທັງໝົດພ້ອມທັງເພື່ອເຜີຍແຜ່ຂໍ້ມູນຂ່າວສານທີ່ຖືກຕ້ອງກ່ຽວກັບການລະບາດຂອງພະຍາດໂຄວິດ-19 ເພື່ອຕ້ານຂໍ້ມູນຂ່າວສານທີ່ບໍ່ຖືກຕ້ອງ.”
ໃນປີ 2022 ນີ້, ວິທະຍຸກະຈາຍສຽງແຫ່ງຊາດລາວ ແລະ ສູນກາງຊາວໜຸ່ມປະຊາຊົນປະຕິວັດລາວ ຍັງຈະຈັດຕັ້ງປະຕິບັດໂຄງການໃຫ້ຄໍາປຶກສາເມື່ອສະຖານະການຂອງພະຍາດໂຄວິດ-19 ອະນຸຍາດໃຫ້ເຮັດໄດ້.
ນອກນີ້, ອົງການຢູນິເຊັບຍັງໄດ້ສະຫນອງໜ້າກາກອະນາໄມ ຈໍານວນ 1,800 ກັບ ເພື່ອມອບໃຫ້ນັກຈັດລາຍການໄວຫນຸ່ມ ໃນ 18 ແຂວງ ຂອງ ສປປ ລາວ. ອົງການຢູນີເຊັບ ຍັງໄດ້ສຫນອງເຄື່ອງວັດແທກອຸນຫະພູມອິນຟາເຣດ ເເລະເຈວລ້າງມື ເພື່ອຊ່ວຍຮັບປະກັນການປະຕິບັດວຽກງານສື່ຊາວໜຸ່ມໃຫ້ມີຄວາມປອດໄພຊ່ວງການລະບາດຂອງພະຍາດດັ່ງກ່າວ.
Lao Nationa Radio
